PUEDE LEER TODAS LAS SEMANAS LOS EXCELENTES TRABAJOS PERIODÍSTICOS DE LOS DANIELES EN INFORME25.COM

lunes, 9 de enero de 2012

(Aruba) Cantidad di avion priva for di Venezuela a kibra record den fin di Aña!

ORANJESTAD (AAN) – DIARIO a acerca sr. Hendrik Croes, Relacionista Publico di Aeropuerto Reina Beatrix, ken a duna nos un relato tocante e actividad vuelonan cu a yega nos Isla cu bishitantenan pa nos pais pa loke ta e periodo di Pasco y Aña Nobo.
Hendrik Croes a duna di conoce cu enberdad esaki ta un fin di aña exitoso pa Aeropuerto, specialmente pa loke ta trata avionnan priva for di Venezuela, cu a bin un cantidad substancial, principalmente 31 di December y 1 di Januari, cu tabata dianan sumamente druk. Incluso na cierto momento mester a cera e oportunidad pa mas avion priva bin Aruba, mirando cu no tabata tin mas lugar pa acomoda e avionnan. No obstante, asina cu un avion tabata despega otro por a drenta di manera cu nan tabata “stand bay” pa nan por a bula pa Aruba.
Esaki ta mustra cu Aruba ta un destinacion hopi gusta pa e personanan aki sin duda algun.
Encuanto e vuelonan comercial tabata tin algun vuelo inaugural, cu a trece mas turista pa Aruba, locual ta un desaroyo hopi positivo.

Aunke Relacionista Publico sr. Hendrik Croes no tabata tin cifranan exacto, pasobra nan no a wordo procesa ainda, si ta asina cu aeropuerto tabata hopi druk, mas cu normalmente ya cu semper den e temporada di December tin hopi movecion di hendenan cu ta bin y ta bay, den nos aeropuerto.

Papiando mas specificamente di avionnan priva for di Venezuela, e aña aki e cantidad di vuelonan pa Aruba a kibra record. Esaki ta obvio apesar cu e cifranan no tey ainda. E movimento cu tabata tin den e parti pazuid di Aeropuerto Reina Beatrix, cu ta e terminal di avionnan priva tabata sumamente druk.

Ademas di Venezuela tambe tin otro paisnan di America Latina cu ta cuminza bula pa Aruba cu avion priva, y esaki ta haci cu Aeropuerto mester prepara pa acomoda mas di e avionnan aki, den futuro, segun Hendrik Croes a subraya.

Berdad ta cu e trabaonan a cuminza y por mira cu nan a inaugura e punto mas halto di e construccion di dos hangar nobo, y tur esaki ta yuda den e proceso di expansion di e terminal di avionnan priva na nos Isla, y e plan ta sigui pa duna mehor servicio na e mercado aki, cu ta creciendo na Aruba, sr. Croes a acentua.

FUENTE: http://www.diario.aw

LEA...

 

LO + Leído...