Vuelo 1213 di Aruba pa Maracaibo a tarda hopi pa ateriza, debi cu e piloto a constata cu tin problema cu hydraulics abordo. Pesey el a declara un emergencia, y a dura mey ora di circula rond di Aeropuerto prome cu el a ateriza.
Mesora a bati alarma na Aeropuerto La Chinita, unda Bomberonan y tur unidad di Rescate tabata cla pa cualkier eventualidad. Abordo tabatin 108 persona.
Pero bon mes cu nada serio a socede.
Pasaheronan a revela, cu ora e avion a bin den final approach pa ateriza, cu e avion tabata bay halto y baha bek varios biaha. Y ora cu nan a touch-down, nan a sinti un sonido raro den e tren di aterizahe.
Debi na e problema aki, e vuelo di Avior di Maracibo pa Aruba, esta vuelo 1212 cu mester a yega Aruba pa 2:55 pm, a yega e isla aki te 8:03 pm. Esaki a pone cu vuelo 1209 di Avior pa Valencia, a sali te ayeranochi banda di 9:15 pm.
E potret pa cortesia di Panorama ta indica e avion na Maracaibo.
| FUENTE: http://www.diario.aw |
