El a indica cu awor si ta basta cu e atakenan baho aki, no por laga un hende cu posiblemente mester ayudo psiquiatrico sigui lastra nomber di hende drechi den comunidad con cu e kier, bin cu insinuacionnan no solamente contra Minister Oduber, pero tambe contra otro personanan respeta den comunidad.
Para ver más: http://www.diario.aw/2015/01/ta-basta-cu-e-acusacionnan-falso-cu-ta-worde-carga-pa-politico-frustra/
Ademas di esaki, awor e situacion a bira un cuestion politico, caminda por mira Señora Evelyn Wever Croes, un supuesto lider di oposicion, ta gara su mes na e mentira y difamacionnan cu Sr. de Ruijter ta lansa tur dia, mirando cu no tin ningun otro argumento mas.
Pa un lider politico usa Sr. Jan de Ruijter como su fuente di informacion pa continua cu e tipo di politica barata, ta algo sushi y baho. Esaki ta demostra un poco tambe di kico e lider politico aki mes ta para pe.
‘Como politico ma worde scrutina y persegui 7 aña largo door di e mesun forma di politica aki di partido MEP, di lastra hende y susha nomber di hende y kere cu asina aki lo haya boluntad politico. Aki hueznan a demostra den tur caso cu no tabatin nada di berdad den e ausacionnan contra di mi persona’, Minister Oduber ta bisa.
Un di e copianan cu Minister Oduber a duna prensa diamars mainta ta e documento cu ta mustra cu for di aña pasa a bay hoger beroep den e caso di Jan de Ruijter, desbaratando asina un di su mentirananDiamars mainta Minister Oduber a duna prensa tambe copia di prueba di e veredicto unda huez ta bisa cu e no ta haya cu den un kortgeding e ta mira e urgencia pa dicidi , pero naturalmente e lo por bay den un hoger beroep , pa cual tambe esaki a worde entrega.
‘Mirando cu constantemente ta worde bisa cu mi no a bay hoger beroep y cu mi no tabata di acuerdo cu loke huez a bisa, mi a comparti cu prensa , cu stempel di ‘gerecht in eerste aanleg’ cu for di 15 di December 2014 pa 2.51 atardi ya caba , tanto
‘in memorie van griefen’ a worde entrega y prome cu esey 24 di November pa 10.49 di mainta a entrega e ‘akte van hogerberoep’, e mandatario a splica.
Minister Oduber ta indica cu ‘for once and for all’ e ta coregi e prome mentira aki cu ta worde treci dilanti door di Sr. Jan de Ruijter.
| FUENTE: http://www.diario.aw |
