PUEDE LEER TODAS LAS SEMANAS LOS EXCELENTES TRABAJOS PERIODÍSTICOS DE LOS DANIELES EN INFORME25.COM

jueves, 17 de agosto de 2017

(Aruba) Tata di Natalee Holloway a duna di conoce cu a haya restonan humano na Aruba

Den diferente medionan di comunicacion stranhero, principalmente Merca y Hulanda, ta circula e noticia cu Dave Holloway, tata di Natalee Holloway kende a desaparece na Aruba na 2005, a duna di conoce cu e ta den shock pasobra na un cas na Aruba a haya restonan humano cual e ta considera por ta di su yiu muher.

Un relato di New York Post ta indica cu autoridadnan, no ta specifica si tin participacion di autoridadnan local, a descubri restonan humano patras di un cas na Aruba, locual ta un hayazgo horibel cu por finalmente caba cu e misterio rond di e desaparicion di e Holloway 12 aña pasa.

E restonan haya, despues di un investigacion nobo, ta wordo analiza pa asina haya sa di e DNA ta mescos cu esun di Natalee Holloway. E declaracion aki Dave Holloway y e investigador T.J. Ward a revela na “Today” riba Diaranzon.

Na 2012, Natalee a wordo declara legalmente morto door di un huez, pero ningun persona a keda declara culpable pa su desaparicion. Ni sikiera Joran Van der Sloot kende a wordo involucra den e caso aki, apesar di a declara na Maart 2016 na un “undercover reporter” cu el a asesina Natalee.

Dave Holloway a bisa cu e investigacion cu a tuma lugar a hiba nan na un informante conoci como “Gabriel”, kende a biba cu un amigo di Joran y eventualmente, na e restonan descubri.

Aparentemente, esaki ta e prueba mas “credible” cu tin den e caso aki despues di 12 aña di e desaparicion di Natalee na 2005.

Awor, parce, cu tambe ta bay tin un programa na television diasabra, cu ta un otro serie “The disappearance of Natalee Holloway, unda Holloway y Ward ta bay papia di e investigacion aki.

Lo ta interesante pa sa kico e autoridadnan local por bisa di e hayazgo aki y si tabata tin algun participacion den e investigacion cu wordo haci den e aña y mey cu a transcuri.

FUENTE: https://www.diario.aw

LEA...

 

LO + Leído...