SOSPECHOSO DETENI:
DIARIO a papia cu e abogado di e muher A., kende a confirma cu e muher ta deteni como sospechoso di loke a sali den media cu un dama B. trahando na un lugar na Aruba cu a bay Punto Fijo a wordo secuestra y mata.
Por a compronde cu e relacion entre e muher A. y e dama B. no ta bon y cu e dama B. a haci denuncia contra e muher A. di lo a paga hende pa secuestr’e y mat’e.
Tin sospecho cu e muher B. lo a laga saca potret manera cu el a wordo secuestra y mata y pone esaki den media, y a circula tambe riba Facebook, siendo cu esey no ta asina. E no a wordo mata! E abogado a duna di conoce na DIARIO cu su cliente A. a bisa cu nada di esey no ta berdad.
PROLONGA DETENCION:
Abogado di e muher A. a bisa cu A. entre tanto a bay dilanti Hues Comisario, kende a prolonga e detencion di A. cu maximo 20 dia pa asina e investigacionnan por sigui nan curso.
Door cu e investigacion ta andando, abogado no kier duna mucho informacion pa no perhudica e investigacion.
DIARIO por a compronde cu si resulta cu enberdad e dama B. ta gaña, lo por spera cu e muher A. lo bay haci denuncia na Recherche contra B. pa a haci denuncia falso contra dje.
Aki por mira e potret ‘fake’ cu a circula e siman aki riba Social Media.
FUENTE: Con información de https://www.diario.aw