viernes, 17 de noviembre de 2017

(Aruba) Gobierno lo ta di ocho Ministro

Aruba a haya Gobierno nobo, un coalicion consistiendo di MEP, POR, y RED. E puntonan di prioridad cu a conduci na un gobierno di coalicion entre e tres partidonan ta: (*) Integridad y bon gobernacion, percura pa Aruba nunca mas pasa den escandalonan di corupcion. (*) Baha gasto y maneha finansas responsabelmente. (*) Pone e ser humano central: siguridad, enseñansa, cuido di salud, empleo, cuido social, desaroyo di economia y turismo, etc.

Evelyn Wever-Croes ta bira Prome Ministro. Demas Ministronan ta Xiomara Ruiz-Maduro, Dangui Oduber, Glenbert Croes, Chris Romero, Otmar Oduber, Andin Bikker, y Rudy Lampe.

Den Parlamento tambe lo conoce cambio. Guilfred Besaril lo bay bira Ministro Plenipotenciario, y na su lugar lo bin Ady Thijsen como Presidente di Parlamento. E miembronan nobo di Parlamento pa MEP lo bira Edgar Vrolijk, Shailini Lee, Endy Croes, Sue-Ann Ras, y Setty Yarzagaray. Pa POR lo bin drs. Marisol Lopez-Tromp y Allan Howell.


FUENTE: https://www.diario.aw