miércoles, 15 de noviembre de 2017

(Aruba) Huez-comisario a suspende detencion di Ministro Paul Croes

Huez-comisario den casonan penal na Corte di Prome Instancia di Aruba a dicidi Diamars pa alarga detencion preventivo di e sospechosonan Paul T.F. Croes y su chauffeur R.A. den e caso Ibis cu 30 dia.

Riba peticion di Ministerio Publico, huez-comisario a suspende detencion di e sospechoso, e chauffeur R.A.

Ademas huez-comisario a dicidi pa suspende detencion di Ministro Paul Croes riba peticion di su defensa. E por bay cas, pero e acusacionnan contra dje tey ainda, y lo tin di bay responde pa nan den Corte.

Paul Croes ta worde sospecha di a haci su mes culpable di hechonan castigable hopi grave: ambtelijke omkoping (pasivo), malversacion, labamento di placa, falsificacion y mensensmokkel.

E schorsingnan ta bao condicionnan stricto. Ambos sospechoso no mag di tin contacto directo, ni indirecto cu testigonan y cu e otro sospechosonan den e investigacion Ibis.

Ministerio Publico ta mustra enfaticamente cu decisionnan di huez-comisario ta solamenta trata e detencion di e sospechoso, y no e caso penal riba su mes. Huez-comisario a confirma awe atrobe cu ta existi acusacionnan serio contra Croes y A.

E investigacion Ibis lo continua y Paul Croes ta sigui como sospechoso. E plan ta pa rond af de dossier na maart 2018, despues di cual lo por tin e regiezitting na april 2018.

Ministro Paul Croes ta worde sospecha di a haci su mes culpable di hechonan castigable hopi grave: ambtelijke omkoping (pasivo), malversacion, labamento di placa, falsificacion y mensensmokkel.

FUENTE: Con información de https://www.diario.aw