E campaña di e pompnan di CITGO cu a wordo lanza Diamars, ta bay yuda Fundacion Arubano di esnan Visualmente Incapacita (FAVI) y e director di FAVI Stephanie Baarh durante un conferencia di prensa a indica cu fundacion ta sumamente honra pa wordo escogi pa ricibi un donacion for di e campaña di CITGO.“E campaña aki pa FAVI ta nifica cu e fondonan cu wordo recauda, ta bay wordo uza pa e servicionan cu diariamente FAVI ta duna na su clientenan cu ta visualmente incapacita”.
“Nos kier a gradici un biaha mas Aruba Gasoline Dealers Association pa scoge FAVI y siguramente FAVI lo hasi bon uso di fondonan recauda door di e campaña aki”.“Pesey keda tank na CITGO y aporta e ora ey na FAVI como fundacion”, señora Baarh a sigui bisa.
Durante e conferencia di prensa, representante di El Louvre Witec Honman Chow a splica cu nan ta e representante pa e productonan di CITGO pa Aruba.
Segun Chow, nan tambe ta contento di ta partner den e campaña aki pa recauda fondo pa FAVI.
“Nos ta pidi tur hende pa sigui cumpra y contribui, pa asina por duna mas na FAVI”, segun Chow.
FUENTE: http://www.diario.aw - (PULSE AQUÍ)
