(Aruba) Autoridad a detene muher Venezolano como un sospechoso

ORANJESTAD (AAN); A detene transcurso di Diamars mainta un muher di nacionalidad venezolano. Parce, e muher deteni ta worde sospecha di comete acto criminal y aparentemente di venganza contra di e muher fam Y.. Weekend tras di lomba a tuma lugar diadomingo marduga un caso serio na Tanki Leendert.
Na prome instancia a worde menciona cu desconoci a tira acido riba un muher. Despues di a comete su acto, e persona desconoci a bandona elugar na careda.
E victima a ricibi quemadura serio na curpa. Na momento cu polis a presenta, nan a topa e victima bao di ducha. E awa ta core suaviza e kima dura pero e acido ta asina fuerte cu e ta penetra den cuero di e victima. Pa medio di ambulans cu polis a solicita cu urgencia e victima a worde transporta cu rapidez pa dr. Horacio Oduber Hospital.
Specialista nan a recomenda, pa manda e victima pa Colombia cu urgencia cual a tuma lugar. Recherche encarga cu e investigacion, segun informe nan a pone man riba un muher Venezolano. E muher sospechoso cu a comete e acto lo no ta imagina ki daño serio el a causa y ki efecto fuera consecuencia e tin pa e victima.

Acido por a causa basta daño na e curpa di ser humano. E heridanan tin consecuencia serio, te hasta e por laga den e caso menciona, e victima por keda desfigura pa resto di su biba. Ultimo informe for di Colombia relaciona cu e condicion di e victima, segun informe e ta stabil, pero e herida nan pa cu e efecto di e acido ta serio.

E victima ta worde sostene pa algun miembro di famia den e hospital y ta ricibi atencion pa varios specialista segun informe for di Colombia. Na ultimo ora segun informe a keda confirma, cu ta trata di e muher venezolano di inicial F.- casa cu T., a keda deteni como un sospechoso pa entre otro pa maltrato serio y pa intento di asesinato.

No ta conoci si ta e victima lo of mas persona a wak e sospechoso core bay for di e lugar y pa despues investigadornan a pone man riba dje.

Pero e investigacionnan ta den full swing lo tin di determina si enberdad cu e muher sospechoso deteni na e momento nan aki lo ta esun cu a comete e acto cruel. Si acaso e muher lo ta meti y saca afor tambe cual ta e motibo tras di su hecho y e muher lo ta den problema serio cu husticia.

FUENTE: http://www.diario.aw