Den 2 aña y mey pueblo por mira cu e 4 mil cambernan aki no a worde construi danki na e empeño di Minister di Infrastructura como tambe Minister di Turismo cu a logra cancela varios di e acuerdonan cu e Gobierno anterior a laga atras, mientras cu a acorda cu otronan lo bin den un lapso di tempo mas largo. Di e forma aki a evita cu nos comunidad a haya su mes confronta den un termino hopi cortico cu 4 mil camber adicional, algo cu sigur no ta na beneficio di desaroyo di nos isla.
Minister Oduber su vision ta pa tin un crecemento di camber mas modera y controla. Pa e motibo aki a scohe pa dos hotelnan cu ta para riba nan mes un categoria, cual ta Ritz Carlton cu lo bin Aruba na aña 2013 como tambe Hard Rock Hotel & Casino cu lo habri su portanan na aña 2014. Den un forma bon defini y midi y trahando den consulta cu ATA como tambe AHATA, Minister Oduber kier percura cu cambernan nobo no lo perhudica esunnan existente.
Minister Oduber a expresa cu Aruba continuamenten ta pasando den desaroyo pero esaki mester worde midi den forza economico como tambe laboral, pa asina no mester importa cantidad di hende di afor pa traha.
FUENTE: http://www.diario.aw
