Vuelonan cancela for y pa Punto Fiho

ORANJESTAD (AAN): Awe ta e di 3 dia cu Tiara Air no a hiba su pasaheronan na Punto Fijo. Esaki a pone cu indignacion a crece bao di e pasaheronan cu mayoria ta venezolano cu ta viahando pa regresa nan cas y otronan cu ta traha na Aruba cu tambe ta regresa nan pais pa pasa dianan di fiesta den ceno di nan famia.
Tin un incidente cu a sosode riba rampa na aeropuerto Josefa Camejo, na unda cu un avion di Tiara Air saliendo anochi for di dicho aeropuerto, mester a pasa riba un burico. Envez el a bolbe el a sigui cu vuelo rumbo pa Aruba. Mas di 250 pasahero na Edo. Falcon a keda perhudica, apesar cu e compania Tiara Air ta paga cuminda y hospedahe, pero nan ta perde nan vuelo di conexion y pakete cu nan a cumpra na Merca y na Aruba mes.
Tiara Air ta e unico compania cu tin vuelonan internacional pa y for di Punto Fijo, pero e vuelonan aki a worde revoca pa e gobierno di Chavez.

Aki na Aruba tin cientos di pasahero tambe ta rabia pa e servicio di Tiara Air cu no ta divulga nada sino djis cu e vuelo a worde cancela y cu e pasaheronan lo worde yama si acaso tin vuelonan disponibel pa Punto Fijo.

Un situacion caotico tanto na aeropuerto Reina Beatrix como na Josefa Camejo, cu pasaheronan disgusta y cansa di no por yega nan destino.

FUENTE:  http://www.diario.aw