E evento aki ta consisti di un Concierto di Pasco pa crea un ambiente di paz y alegría na bispo di Pasco di Nacemento, hunto cu e pueblo grandi di Noord. Lo tin actuación di varios coro, coro di mucha di Felipe B.Tromp, Scol Santa Anna, cantantenan cu nan presentacionnan di Pasco, Mariachi di Vicente Tromp, y varios grupo mas cu lo trece nan cancionnan di Pasco y Fin di Aňa. Lo tin un variación di artistanan di Noord, cu lo delelita e publico cu cancionnan di Pasco. Fuera di e concierto di Pasco aki, lo tin un bar y cushina bon surti cu pasabocanan specialmente di fin di aňa y crioyo.
Pueblo di Noord y Aruba en general ta ser invita pa e anochi aki dia 10 di December den Centro di Bario Noord. Carchinan pa entrada ta costa 5 florin pa adulto y 2 florin pa mucha y ta obtenibel cerca miembronan di Coro Santa Anna y tambe anochi na porta. Ambiente di Pasco di Coro Santa Anna, Diasabra dia 10 di December den Centro di Bario Noord.
FUENTE: http://www.24ora.com
