Prolongacion di detencion pa Docter cu a haci liposuction na cas

ORANJESTAD (AAN): E caso serio di cirugia estetico casero, cu morto tin consecuencia serio pa e medico Venezolano di inicialnan J.G.G.R. di 27 aña! E ta encarcela na Aruba, y DIARIO a haya sa, cu mientras tanto su detencion a worde prolonga cu 30 dia mas.
Manera ta conoci cu e medico ta worde acusa di morto di e muher Arubano Taheely Pietersz. E medico den luna di December 2011 na cas di e victima e eherce practica ilegal riba Taheely y algo a bay robez. A transporta e victima direccion hospital pero debi na complicacion Taheely a fayece. E dokter Venezolano cu tambe a bay hospital hunto cu e victima a worde deteni.
Mientras tanto segun informe cu no ta prome biaha e medico aki a haci cierto practica. Ta conoci cu lo tin mas mediconan cu ta bin for di exterior y ta haci e tipo di operation cosmetico ilegal riba personanan pa sumanan atractivo debi cu nan ta costa relativamente caro.
Pa e poco placa cu e cliente lo ta paga lo por sali hopi caro. Den e caso Taheely cu aparentemente awe ta hopi informe ta yega cerca autoridad y na medio indicando mass a tuma lugar e tipo di practicanan aki y tin investigacionan profundo lo ta tumando lugar.

Mas parti durante di weekend e tipo di mediconan aki ta yega Aruba for di exterior ya caba e tin cantidad di cliente pa atende y cada tratamento lo ta costa den careda di 2 mil y pico Florin.
Na e residencia cu esaki lo ta worde haci doño cas tambe ta responsabel di ta ofrece sea su apartamento of negoshi pa esaki tuma lugar como consultorio.

E doño cas of establecimento ta conciente kico y kende e dokter a bin pa consulta, practica cune ya na su yegada tin un lista di nombernan sea di homber of muher pa e atende.

FUENTE: http://www.diario.aw