Na dado momento a descubri cu nan tabata hortando y a cuminsa sigui nan pistanan. Sigur dos diferente negoshi a bati alarma.
Den area di waf di Playa a topa cu un cuarteto kende nan descripcion tabata mas of menos esun di e Venezolanonan. A haya nan den un taxi sinta.
A para e taxista mesora y a cuminsa saca informacion for di e grupo aki. Esnan di Visibility Team parce a bisa cu esaki no ta e hendenan cu tabata hortando. Na final a bin resulta cu tog tabata e cuarteto aki cu tabata shop hortando cosnan.
E momento ey nan a bandona e lugar caba. A haya varios informacion y a bin haya un auto para den e parkinglot patras di parada di bus na Playa. Recherche y polisnan cu a move mesora a confisca e auto. Den e auto a bin haya basta paña procedente di ladronicia den pacusnan local.
Tambe varios otro artefacto cu tambe a worde horta.
Parce polis tin un pista di e hendenan aki y lo busca nan drechi back pa asina nan duna cuenta riba nan bishita na Aruba pa horta den pacusnan.
FUENTE: http://www.diario.aw
