A logra pone man riba grupo di hende di diferente nacionalidad. Arubianonan y stranheronan tabata envolvi den e caso di droga. E departamentonan cu a participa den e accion grandi aki tabata RST, Team di Aresto, UGC e unidad encarga cu Crimen Organiza y tambe Kustwacht. Riba lama a intercepta un boto di Aruba cu algun hende cu a bin trece e droga.
A cuminsa un persecusion. Esnan den e boto a cuminsa benta e bultonan for di e boto. A logra haya asina mes mas cu 30 kilo pero ainda a keda busca pa mas cu por a worde benta den lama.
Despues di e trabao riba lama a drenta como dos of tres cas cu e Team di Aresto y aki tambe a caba di completa e diez detencionnan. E persecusion riba lama a tuma lugar banda di Colony na San Nicolas. Esnan den e boto tambe a keda deteni.
E caso aki tabata uno cu a worde investiga cu tur profundidad y el a duna su fruto tambe. Pabien na e teamnan cu a haci e tremendo trabao desde diahuebs anochi te cu diabierna mainta.
FUENTE: http://www.diario.aw
