E logo nobo y fresco cu lo bay identifica Ciclovia Aruba a worde diseña door di e team dinamico di ECA Communication Group.
E cuater popchinan den e logo ta representa algun di e actividadnan cu ta worde haci durante Ciclovia por ehempel coremento di bicicleta, jog, cana, core, skateboard, y tambe diferente stretching exercises. E energia di Ciclovia tambe ta worde transmiti door di e colornan bibo di e logo aki.
Pa e luna di mei tin dos Ciclovia caba pa worde marca den tur hende su calendar cual ta 20 y 27 di mei.
Dia 20 di mei Ciclovia lo tuma lugar na San Nicolas conhuntamente cu Festival di Deporte. E Festival di Deporte ta encera di ta un festival caminda un y tur por bini cu nan yiunan, wak y experiencia diferente les di deporte pa asina un y tur por siña mas.
E meta di Festival di Deporte ta pa informa y educa e muchanan di tur e tipo di deportenan cu tin aki na Aruba cu kizas nan tambe lo por join y cuminsa biba un bida saludabel di jong. Tambe manera tur Ciclovia ta bay tin e bike tour di 16.5 kilometer pa adulto y un di 3.2 kilometer pa e muchanan.
E bike-tour pa adulto lo ta saliendo pa 9or mientras esun di mucha lo ta saliendo pa 8:30 pa asina e muchanan por yega back na tempo pa nan por join e Festival di Deporte.
E caminda di Pastoor Hendrikstraat lo ta bay ta cera pa asina un y tur por bin cu nan bicicleta, roller blade, skate board of djis cana y haci uso di e ruta cera pa haci nan ejercicio y tambe probecha di e Festival di Deporte cu tur e actividadnan.
Lo ta bay tin diferente weganan recreativo pa mantene tur mucha presente. E evento lo cuminsa for di 7or di mainta y lo termina 12or di merdia.
Nos ta spera di por topa bo diadomingo awo na Ciclovia San Nicolas. Keda pendiente pa mas informacion tocante e Ciclovia Oranjestad cu lo tuma lugar mei 27. Pa mas informacion like nos Facebook page na www.facebook.com/cicloviaaruba of yama IDEFRE na 582-4987.
FUENTE: http://www.diario.aw
