Contrabando di whisky y cigaria procedente di Aruba confisca na Los Taques

Informe cu nos a haya for di Venezuela ta confirma cu un cargamento di cahanan di whisky y cigarianan di diferente marca procedente di contrabando a ser haya diadomingo madruga door di e Guardia Nacional Bolivariana na e municipio Los Taques.
Den e ultimo lunanan a ser confisca un cantidad grandi di mercancia ilegal, principalmente na e sector Puerto Escondido, municipio Falcón.
E ultimo hayazgo a ser haci despues di un accion strategico di polis den e sector El Hoyito, municipio Los Taques, na unda nan a detecta dos auto scondi den mondi cu e mercancia señala.
E autonan ta dos pickup marca Ford: un modelo F-100 Custom, color gris, number 200-IAI y un modelo 350, color beige, number 254-ADC. Ningun tabata tin ocupante.

Polis ta haciendo su investigacion pa haya e propietarionan di e autonan aki y di e integrantenan di e banda di delincuentenan.
“Chamaco” y “el Yunior”, ta dos di e nombernan cu polis ta maneha.

E whisky confisca ta di e marca: Chequers, Black Label, Chivas Regal, Something Special y cigarianan marca Rumba y Marine.
E mercancia ta balora na 352.000 bolívares (un promedio di US$ 80.000) y aparentemente nan ta procedente di Aruba.
Ministerio Público di e municipio aki ta encarga cu e investigacion.

FUENTE: http://www.diario.aw