(Aruba) Tiara ta usa nan Boeing tambe awor pa Maracaibo

E siman aki, Tiara Air Aruba a amplia nan ruta pa Maracaibo cu mas vuelo usando nan avion Boeing 737-300. Haciendo esaki Tiara Air Aruba awo ta ofrece di 120 stoel pa siman pa mas di 800 stoel total.
Y awo cu a añadi e Boeing esaki ta pone un adicional 26,000 stoel pa aña for di e destino aki. Esaki sigur ta algo sumamente positivo pa Aruba cu ta un di e destinacionan mas gusta di Maracaibo.

Presente riba e vuelo aki tabata tin representante di Gobierno di Aruba Señora Myrna Jansen, Vice Consulado di Venezuela Sr. Orlando Luzardo y Amabel Lugo, Aruba Tourism Authority Señora Melanie Kelly, Miembro nan di prensa, invitadonan, pasaheronan, Iteam di maneho y staff di Tiara Air Aruba.

Na Maracaibo a sigui cu pastor a bendiciona e avion, despues a sigui e acto protocolario unda cu Capitán Marcos Amaya Director General di Aeropuerto Internacional de la Chinita a duna pabien na Tiara Air Aruba.

CEO Sr. Alejandro Muyale a hiba palabra di gratitud na tur e instancianan cu a haci esaki posibel y a felicita e bon trabao di e staff y personal di Tiara Air Aruba na Maracaibo.

FUENTE: http://www.diario.aw