Cu potretnan hopi bunita y colorido, e website ta revela mas cu solamente nos playanan bunita.
E bishitantenan di e website por disfruta di e diversificacion cu nos destinacion ta ofrece, nos acomodacionan luhoso y atributonan cu ta haci nos autentico. E website ta contene informacion valioso pa tur esnan cu ta den e diferente etapanan di planea un vacacion, for di busca informacion te cu scoge un destinacion pa planea y book un vacacion
E website ta un herment poderoso pa atrae bishitantenan. Aruba su website ta un di e websitenan di un destinacion mas hopi bishita den e region di Caribe. Via e website nobo por mira claramente tambe pakico e bishitantenan ta sigui bolbe Aruba, cual lo sirbi pa entre otro demostra e posicion unico cu Aruba ta goza di dje tambe como un destinacion.
Diferente seccionan di aruba.com
Pa e bishitantenan cu kier biba e experiencia prome cu nan yega Aruba, esaki tambe ta posibel pa medio di un video di dos minuut cu lo tin disponibel riba cada pagina.
Loke ta bunita pa menciona ta cu tin un link pa e “Aruba Certified Program”, cu un splikacion di e programa ‘Nos Compromiso’, cual ta mustra pakico Aruba ta asina special pa nos y pa e bishitantenan.
Hopi atencion a bay na re-diseña e website, no solamente e parti visibel pa tur (e ‘front end’), pero tambe e tecnologia y facilidadnan su tras (e ‘back end’) a haña hopi atencion. Asina e website nobo ta duna Aruba Tourism Authority e posibilidad pa entre otro tambe wak cuanto hende ta bishita y cuanto hende en realidad ta wordo convenci y ta reserva nan vacacion pa nan bin Aruba. E ta enfoca specialmente riba e simplicidad y ta importante pa menciona cu mobilidad tambe ta forma un parti integral di e planificacion. Esaki kiermen cu el a wordo diseña di tal forma cu nabegacion riba un ‘tablet’ y ‘mobile’ lo ta mesun facil cu nabega via un screen di computer. Manera ya caba menciona, tur esnan cu bishita e website facilmente lo por comparti contenido cu nan amigonan y famianan via social media. Pues e diseño renoba ta efectivo y facil pa e usuario.
Locual ta hopi importante tamba awendia ta e uzo di diferente sitenan cual aruba.com ta asocia cu nan, manera ‘tripadvisor’, na unda cu bishitantenan por lesa e referencianan di bishitantenan anterior y esaki ta duna aruba.com mas peso y creibel. E site aki a haña un lugar prominente riba aruba.com.
E website Aruba.com ta ricibi un average di 285.000 bishita di usuarionan unico pa luna cual ta un number hopi significante specialmente si nos compara cu otro islanan den Caribe. Esaki ta motibo suficiente pa semper nos tene e website updated cu e ultimo den informacion y technologia, pa semper nos destaca, atraendo asina e bishitantenan.
| FUENTE: http://www.diario.aw |
