Na luna di juni MLK III tabata na Aruba pa desvelo di estatua di Anne Frank riba invitacion di Minister President Mike Eman. Durante e dianan di su presencia na Aruba Mike Eman y Martin Luther King III a haya hopi oportunidad pa comparti experiencia di bida y misionnan comparti pa sigui e trabaonan cu nan tatanan a inspira nan cune. Minister President Mike Eman a expresa emocionnan di reconocimento y honor pa e inspiracion cu Martin Luther King tabata tin riba asina tanto hende den mundo. Pa Eman mes personahenan manera Martin Luther King y Robert Kennedy ta idolonan cu a para pa esnan lubida, discrimina y bandona. Eman a comparti cu King tambe su amistad cu Joe Kennedy e yiu mayor di Robert Kennedy. Por a sinti entre MLK III y nos Promer Minister Mike Eman un afeccion mutuo di decendientenan di generacionnan legendario cu a escohe pa continua cu e mision di nan antepasadonan.
Martin Luther King III durante su bishita na Aruba a regala nos Minister President recuerdonan acogedor di su tata y di su mama Coretta King como muestra di su aprecio pa e amistad nobo aki y pa Mike Eman su admiracion di su tata. Den un carta e yiu major di Dr. MLK Jr. cu hopi amistad ta invita Promer Minister Mike Eman awor pa ta na Washington durante e conmemoracion solomne di un monumento dedica na su tata: “I pray that this note finds you and your family in excellent health and spirit. As you know , the dedication of the Dr. Martin Luther King Jr. Memorial on the National Mall in Washington, DC will take place at 11 a.m. on Sunday, August 28, 2011. The reason I write is to officially invite you and Mrs. Eman to be my guests for the dedication ceremony on Sunday and for the AFL-CIO reception being held on Friday, August 26th at 5 p. m. to benefit the King Center. The Memorial Dedication will be a historic event for the US and Nations around the world. It would be my pleasure to have you join us; and Arndrea and I look forward to the opportunity to return the wonderful hospitality that was extended to us by you and Doina while in Aruba.
My father’s vision for the beloved community continues to resonate with people from all walks of life – from Civil Rights pioneers to those who will lead the next generation. We are expecting thousands to witness the unveiling of this lasting tribute to my father’s fight for human dignity during this week of National celebration and remembrance”. E conmemoracion pa cual Minister President Mike Eman ta invita lo tuma luga dilanti un multitud grandi di dignitario di Merca y di rond mundo. Nan ta spera te 400.000 hende riba e dia special aki cu ta representa e di 48 aniversario di e dia cu MLK Jr. a duna su speech historico "I have a Dream" na e Memorial di President Lincoln, riba e parke (Mall) di e monumento di Presidente Washington na 1963. E adres ta 1964 Independence Avenue, Washington DC. E adres aki ta hopi significativo y ta referi na e "Civil Rights Act" di 1964, un meta grandi cu a wordo logra y den cual MLK Jr. a hunga un rol hopi importante! E Memorial aki ta hopi special ya cu MLK Jr. no tabata un president pero awo e ta para mei mei di e gran presidentenan di Merca.
E scultura mes ta para 9 meter halto, mei mei di 186 palo di ceresa, riba 4 hectar banda di e "Tidal Basin" (Un lago traha mei mei y rond di dje tin e monumentonan mas historico di e diferente presidente) MLK Jr. ta traha cu su brazanan cruza cu un "scroll" den su man. Presidente Obama lo papia na e conmemoracion. Lo tin tambe un lista di nomber conoci cu lo guia e ceremonianan manera Aretha Franklin, Stevie Wonder, productor cinematografico, George Lucas y actor Jamie Foxx y hopi mas. Lo ta presente miembronan di e famia King, lidernan di e Movimiento di "Civil Rights", ex embajador na Nacionnan Uni, Andrew Jackson, Reverendo Jesse Jackson y otro personahenan importante den e lucha pa derecho civil. Minister President Mike Eman ta concidera esaki un experiencia hopi special y ta hopi conmovi di por tey riba invitacion di e propio yiu di dr. Martin Luther King Jr.
FUENTE: http://www.24ora.com/local-mainmenu-5/35742-promer-minister-mike-eman-invita-pa-inauguracion-desvelo-monumento-dr-martin-luther-king-jr.html
