Kumbre turístiko ‘7 pais, 8 destinashon’ a start

Representantenan di Aruba, Boneiru, Colombia, Kòrsou, Grenada, Trinidad and Tobago i Venezuela a partisipá djaweps na e promé dia di e kumbre “Cruise/Ferry-Airline Hopping in the Southern Caribbean”. Na e okashon aki Promé-minister Gerrit Schotte a hiba palabra di bonbiní.
Ta trata di un kumbre djaweps i djabièrnè dianan 1 i 2 di sèptèmber 2011 den Curaçao Marriott Resort i ku ta konta ku presensia di vários mandatario di nos region ku ta partisipá den e asina yamá cruise den Karibe di 7 pais i 8 destinashon. E kumbre ta un proyekto konhunto di Promé-minister Schotte i Minister di Ekonomia i Turismo, sr. Nasser El Hakim. Kordinashon ta den man di Ghatim Kabbara di ofisina di turismo CTB. Djabièrnè mainta, na final di e kumbre, representantenan di e paisnan partisipante lo firma un karta di intenshon (Letter of Intent).

Riba pòrtrèt por mira e diferente partisipantenan na e kumbre i momentu ku Promé-minister a duna su diskurso di bonbiní na esnan presente. Pòrtrèt: Gobièrnu di Kòrsou NO PA PUBLIKASHON: Nos ta invitá prensa pa tei presente djabièrnè 2 sèptèmber 2011, pa 10:30 or pa firmamentu Letter of Intent den Ballroom, Curaçao Marriott Resort & Emerald Casino

FUENTE: http://www.24ora.com/curacao/36274-kumbre-turistiko-7-pais-8-destinashon-a-start.html