(Curacao) Vise Presidente di PDVSA Asdrúbal Chávez ta bishitá Kòrsou pa di dos biaha den 1 siman

Awe mainta Sr. Asdrúbal Chávez kende ta vise presidente di PdVSA a tene un reunion ku Promé Minister Gerrit Schotte pa Follow Up riba e tópikonan ku a wòrdu diskutí siman pasa djarason durante e bishita di Sr. Chávez aki na Kòrsou.
Algun di e tópikonan tabata e MOU ku lo keda firmá riba un término kòrtiku entre Kòrsou i Venezuela i tambe invershonnan den kuadro di Proyekto Adecuacion Refineria Isla Curazao (PARIC).

Promé Minister Schotte a risibí durante e reunion di awe mainta un invitashon ofisial pa bishitá Venezuela riba un tèrmino kòrtiku. Por konkluí ku e lasonan entre Kòrsou i Venezuela ora pa ora ta birando mas fuerte. Algu ku Gabinete Schotte for di komienso a indiká ku lo bai hasi tur su esfuerso pa logra esaki.

FUENTE: http://www.24ora.com