E resultado di e rating ta uno hopi excepcional. Aruba apesar di e suspension di e refineria a resulta cu e cifranan di Aruba ta duna nan e indicacion cu e fortaleza di nos economia pa mantene e rating y stable outlook.
Prome minister Mike Eman a splica con nan a pone enfoke den otro areanan pa mantene e rating aki positivo…. Gobierno ta contento cu e resultado di Standard & Poors.
Aruba a haya un rating aña pasa di S&P pa henter aña 2012, pero ora cu e refineria anuncia su suspension, S&P a haya necesario pa haci un evaluacion un biaha mas y ta algo cu nan ta haci cu otro paisnan tambe pa keda monitoria e desaroyo.
Siguramente ta bira necesario na momento cu algo cambia basta fundamentalmente compara cu e momento cu nan a haci nan evaluacion aña pasa. Esey tabata e suspension di e refineria di Aruba y p’esey algun siman pasa nan a inicia un proceso caminda cu nan a dialoga cu gobierno.
A busca cifranan updated di e resultadonan di e economia di Aruba durante e prome 4 lunanan di e aña. Cifranan di banco central, cifranan di nos economia, cifranan di entradanan cu tin di parti di invoerrechten accijnzen cu ta indicadornan di con e economia di Aruba ta draai.
Pa Gobierno esaki naturalmente ta algo sumamente alentador, pero stimulante tambe pa e hecho cu un rating Agency cu no ta ria pa coy paisnan manera Merca, Inglatera of Francia, downgradenan ora cu nan ta sinti cu nan economia y nan presupuesto of regimen fiscal no ta den e direccion cu nan kier, ta simplemente reduci e ratingnan di e paisnan aki, mientras cu na Aruba aña pasa a haya un rating positivo, como A rated, plus un stable outlook cu anteriormente e añanan anterior tabata negative outlook, a bira stable outlook.
Motibo p’esey tabata pasobra 1. A habri bek e refineria, 2. Tabata tin crecemento di nos turismo y 3. Tur e inversionnan ta tumando luga tur rond di Aruba cu e renobacionnan den barionan, renobacionnan di centro di ciudad, proyectonan grandi cu tin un efecto sumamente positivo riba e economia, e crecemento di economia, e creacion di empleo y naturalmente tambe riba e entradanan di gobierno.
Ora cu S&P a haya e noticia cu refineria a suspende su operacion, nan a haya importante pa evalua si Aruba por mantene e curso cu tabata tin proyecta pa 2012, mientras cu e refineria ta den suspension.
Locual a resalta den e evaluacion aki ta cu nan tin e confiansa y nan a reafirma Aruba su rating A-/A-2′credit rating y naturalmente e Stable Outlook pa Aruba tabata esun cu gobierno tabata mas preocupa cune pasobra cu facilmente nan por a bisa tambe cu tabata tin tres componente aña pasa cu a pone cu a duna Aruba un cambio di su rating, for di Negative Outlook pa stable outlook.
Refineria a habri bek, crecemento economico basa riba crecemento di turismo, y inversionnan. Un a wordo reduci cu suspension di refineria, nan por a dicidi di cambia e outlook. Sinembargo e cifranan di e prome cuater lunanan di e aña aki den cual caba por mira cu ya caba tabata tin e periodo cu e refineria tabata den suspension y toch por mira un crecemento di entradanan di pais Aruba cu 7 porciento compara cu aña pasa.
Esey kiermen cu e economia di Aruba toch ta mas “resiliant” cu hopi a spera y gobierno mes a spera cu por absorba e hecho cu tabata tin un suspension di refineria y toch mantene e ritmo di crecemento den un forma positivo.
Esey a wordo confirma cu S&P a saca un rating un biaha mas riba Aruba confirmando e A-/A-2 y esey naturalmente pa Aruba ta importante cu facilmente por a wordo cambia. Si no tabata pa e hecho cu e economia di Aruba ta mustra cu el’a continua cu su crecemento cu e parti di outlook a keda stabiel.
Naturalmente ta importante pa e refineria habri bek. Lesa riba pagina 50 e articulo:CIERA DI REFINERIA POR CAMBIA PANORAMA DI RATING DI ARUBA.
FUENTE: http://www.diario.aw
