Siman pasa DIARIO a trece dilanti e informe di un cargamento miyonario di whisky y cigaria confisca na Riohacha.
Ayera DIARIO a bolbe haya informacion atravez di Globovision.com cu na Estado Falcon e Comando di Vigilancia Costero di e Guardia Nacional Bolivariano a confisca 386 caha di whisky y 60 pakete di cigaria balora den mas di 15 miyon bolivar fuerte (1.5 miyon dollar).
E articulonan di contrabando tabata procedente di Aruba y nan a ser haya na e costa di Estado Falcon, segun informacion di e director di prensa di e Ministerio di Relacionnan Interior y Husticia di Venezuela, Sr. Jorge Galindo.
Cu esaki ta keda demostra cu tin un “free for all” pa loke ta trata contrabando di mercancia entre Aruba cu Venezuela y Colombia.
Kende ta esnan responsable na Aruba di comete e tipo di delitonan aki? Kende ta e personanan di contacto pa e traficadornan di productonan den forma ilegal?
Sigur tin un mercado miyonario akinan na Aruba y esaki ta un situacion caminda autoridadnan mester cuminza pone man riba esnan responsable.
FUENTE: http://www.diario.aw
