Aruba Airlines cu prome vuelo di prueba pa Panama

Diabierna mainta, e Airbus A320 di Aruba Airlines a worde pasa pa Terminal principal di Aeropuerto Internacional Reina Beatrix, pa asina haci un di e prome vuelonan di “prueba”.
E asina yama “Proving Flights”, ta pa asina e aerolinea finaliza su certificacion completo pa por bula cu e avionnan aki.

Diabierna, e avion a sali riba un vuelo pa Ciudad di Panama, na Panama.

E avion a sali net net na ora for di Aruba, y a haci e vuelo facil y sin problema pa Panama.

Despues di 3’or di atardi, e avion a regresa Aruba y sigur gerencia di Aruba Airlines ta contento con e proceso aki a bay.

Asina cu e aerolinea cuminza bula, nan lo bay ta contando cu como 2 di e avionnan grandi aki. DIARIO ta convenci, cu un aerolinea cu avionnan grandi, lo por haci hopi pa progresa rapidamente.

FUENTE: http://www.diario.aw