Segun Director di Aeropuerto, Larry Donker, tur cos a bay basta bon.
El a expresa aprecio pa e cooperacion entre Aeropuerto y e representantenan di Delta Airlines pa sigura un evacuacion suave di e pasaheronan. Carnival Cruise Line tambe tabatin varios personal na Aeropuerto pa yuda pasaheronan cu e check-in.
Awe Diasabra, como 1.400 pasahero mas di e barco lo bandona St. Maarten cu siete vuelo charter di Delta Airlines.
Henter dia por a mira periodistanan di canalnan di noticia di Merca, manera NBC, CBS, y ABC ta haci entrevista.
E pasaheronan a mustra di ta den bon beis, y nan a haya treat gratis na Aeropuerto, incluyendo desayuno y almuerzo. Tur e pasaheronan di Carnival Dream a haya 10% di descuento pa tur compra na e snackbar y boutique den e terminal.
| FUENTE: http://www.diario.aw |
