For di aña 2009 cu ingeniero Mike de Meza a worde sosteni door di parlamento pa asumi e funcion di minister y especialmente durante di e ultimo añanan, minister conhunto cu henter gabinete di Aruba, el a traha dia y nochi pa crea un posibilidad pa reapertura di e refineria di Aruba. “E refineria tabata e motor di e di dos pilar di economia di Aruba,” e mandatario encarga cu Energia a declara. “Presencia di e refineria den operacion ta ta representa 12% pa 15% di Aruba su economia y ta crea entre 3000 pa 5000 cupo di trabao na Aruba.”Durante e ultimo añanan aki Minister Mike de Meza a reuni cu gobiernonan di varios pais y tambe companianan rond mundo den su afan di logra haya oportunidad cu lo presenta un potencial real pa reanudacion di operacion y procesamento di crudo na Aruba. Gobierno y companianan di Merca, Mexico, Colombia, Venezuela, Brasil, China, Hulanda, Trinidad y Tobago, Arabia Saudita, Spaña, Inglatera y otro paisnan tabata forma potencial partnernan strategico pa un bida nobo pa e refineria.
“Den e empeño di Gobierno di Aruba, mi persona aworde introduci y a reuni cu entre otro señor Hugo Carvajal, como oficial di e gobierno di Venezuela, na mas cu un occacion pa mira si por a haya e gobierno di Venezuela y PDVSA interesa den e refineria diAruba,” minister Mike de Meza di Economia, Comunicacion, Energia y Medio Ambiente a declara. “E reunionan aki semper tabata sincero, transparente y riba un nivel profesional”, e mandatario a splica. E acusacionnan y insinuacionnan di mala fe cu ta circulando riba medionan social ta totalmente infunda.
| FUENTE: http://www.diario.aw |
