e Ministerio di Asunto Economico, e Ministerio di Turismo y e Ministerio di Agricultura, Alimentacion y Bosque, reconociendo su compromiso na tur cos cu ta autenticamente Italiano, specialmente su famoso cuminda.
Chef Maestro Vittorio tambe a desvela e certificado cu a declar’e como e Embahador Italiano Internacional di Sabor y Cultura.
E programa di premiacion di Ospitalida Italiana a worde crea pa e Gobierno di Italia cu e meta di premia restaurantnan Italiano pafo di e pais pa e hecho cu nan a cumpli cu diez standard dificil di excelencia. E Proyecto “Hospitalidad Italiano, Restaurantnan Italiano Rond di Mundo,” ta sigura cumplimento global cu calidad, tipicamente di hospitalidad Italiano, protehando e historia, cultura y mas importante ainda e autenticidad di e cushina Italiano.
E fiesta cu a tuma luga inmediatamente despues di e desvelo di e premio a expresa e Chef Maestro su entusiasmo y alegria, mientras cu tur su specialidadnan di cas a worde sirbi na un gran cantidad di persona influencial di nos comunidad. Nan a disfruta di un fiesta elegante cu a sigui te e oranan laat di anochi, cu un sin fin di cocktails y musica bailable cu Robert Jeandor y su Solo Banda Show.
Aki paar di aña den futuro ainda nan lo ta papiando di Vittorio su buffet di cena, ya cu e Chef Maestro a impresiona su invitadonan cu un surtido increible di antipasti freddi, incluyendo tur e delicacianan Italiano famoso, Prosciutto di Parma, Salami, Coppa, Mozzarella fresco, Capresa, Pecorino, Rocca Reggiano y Talaggio; Piatti caldi incluyendo Penne con Frutti di Mare, Arancini di Riso, Panzerotti, Salciccia Italiana y Pizza Margarita, Funghi y Verdura. E mesa di pasaboca tabata yena cu Pasticceria Mignon, incluyendo Baba Napoletano, Cassata Siciliana, Cannoli Siciliana, Tortaletta di Frutti di Bosco, Torta di Cioccolato, Bigue di Cioccolato Bianco y Pasta di Mandarle.
Chef Maestro Vittorio a splica cu, pa por cualifica pa e premio y worde reconoci pa “Hospitalidad Italiano, Restaurantnan Italiano di Mundo,” un restaurant mester cumpli cu un gran cantidad di standard halto y mester ta comprometi na sirbi productonan di Designacion di Origen Protegi, ya cu cuminda Italiano ta e resultado di hopi siglo di e manera cu e sociedad Italiano a come y entretene, y biba. E calidad unico di bida aki ta protehi pa Ospitalita Italiana ya cu cuminda, mescos cu pintamento y musica, ta un forma di arte, y e mester worde protehi contra adulteracion y falsificacion pa preserva su historia, calidad, cultura y autenticidad.
Hostaria da Vittorio a worde bishita pa un inspector anonimo cu a verifica tur e rekisitonan. Siguiendo e bishita, Hostaria da Vittorio a uni su mes na e grupo selecto di solamente algun shen establecimentonan cu ta Restaurant Certifica di Ospitalita Italiana rond di mundo.
E comunidad di Aruba, hunto cu e Minister di Turismo, a duna pabien na Chef Maestro Vittorio pa cu su logro grandi, cual el a comparti cu su partner di hopi aña Dan Oduber, y su brigadanan di cushina y sala di come. Un pabien ta bay na Vittorio, disfruta di e celebracion di bo premio, bo compromiso na excelencia a resulta den e certificacion di “Hospitalidad Italiano, Restaurantnan Italiano di Mundo.”
| FUENTE: http://www.diario.aw |
