E booth di CITGO Aruba Refinery na EXPOLABOR 2017 tabata un di esunnan mas popular durante di e dos job fair. E job fair a tuma lugar na Renaissance Convention Center dia 19 di augustus ultimo y tabata consisti di varios booth como tambe lecturanan duna pa profesional den nan ramo. E evento a wordo organisa pa e Ministerio di Asuntonan Social, Hubentud y Trabou, Departamento di Progreso Laboral y Departamento di Trabou pa conecta esnan en busca di trabou cu dunadornan di trabou, incluyendo CITGO Aruba Refining.Durante dia e team dinamico di recurso humano di CITGO Aruba Refinery acompaña pa expertonan den e materia di refineria a duna informacion valioso e bishitantenan di job fair relaciona cu oportunidadnan actual na CITGO Aruba. CITGO Aruba Refinery cu te cu awor ta premira pa cuminsa operacion na final di 2018 actualmente ta buscando rib’e mercado laboral local pa yena 45 vacatura incluyendo un analista di presupuesto, un supervisor di marine, un supervisor di proyecto di medio ambiente y operadornan.
Esnan cu ta interesa pa aplica pa un di e posicionnan vacante na CITGO Aruba Refinery mester visita www.CITGO.com/Careers. Click riba Current Opportunities y selecciona Aruba como bo localidad.
FUENTE: Con información de http://awemainta.com
