Diabierna mainta Polisnan a wordo pidi na un cas na Tamarijn. A drenta informacion cu un bisiña a menaza e otro cu arma di candela.Polis a yega na e adres y papia cu un homber. El splica Polis cual bisiña a haci e menaza. Hasta e victima a splica cu el a mira e arma di candela.
Mirando e seriedad di e caso, a pidi pa envolvi recherche mesora den e caso. Recherche a keda di pasa na e adres na Tamarijn. Despues Polis mes a dicidi di hinca e homber den e auto y hibe warda di Santa Cruz pa asina topa cu Recherche.
Despues cu haci denuncia lo pidi autorizacion mesora di Ministerio Publico pa asina actua prome cu algo mas malo sosode pa mal uso di arma di candela.
FUENTE: https://www.diario.aw ->> Ir
