. Blanken a bisa cu esey ta un responsabilidad cu ta cay bao di Ministernan Benny Sevinger como Minister di Medio Ambiente y Minister Arthur Dowers como Minister di Husticia encarga cu Brandweer. E Minister aki por busca un medida pa stop e gasoline aki di drenta. E fiscal mayor a indica cu e decision a cay den Ministerraad y pa colmo Diabierna siman pasa autoridadnan a haya nan mes cu un situacion atrobe di importacion di gasoline ilegal.
E fiscal mayor a splica cu ora ta papia di importacion di gasoline, esaki sigur mester worde transporta y warda na un manera hopi safe.
“Loke nos a dicidi ta pa no transporta esaki mas den bari den un truck habri”.
“Si bo kier confisca e gasoline ilegal aki di hende y warde, mester contrata un compania cu por haci esaki ya cu ta transporta e gasoline den un auto cu ta permiti pa haci esaki”.
Esaki segun Blanken, kende a sigui bisa cu e auto mester cumpli cu rekisitonan di seguridad di candela.
Si no por haya un bon lugar sigur pa deposita e gasoline, e ora ey e mester worde destrui, atravez di refineria Valero.
A tuma e decision cu entrante dia 15 di Augustus, e botonan ora nan transporta gasoline, mester cumpli cu cierto exigencianan di seguridad di candela.
Tambe si e worde transporta riba caminda e mester cumpli cu e exigencianan aki.
Esun cu warda e gasoline tambe mester cumpli cu un cantidad di regla y exigencia, segun Blanken.
Tur e regla y exigencianan ta worde poni den un permiso special pa esaki. Si no cumpli cu e reglanan aki, e mester worde prohibi.
FUENTE: http://www.diario.aw/2011/08/entrante-dia-15-di-augustus-ta-bin-regla-y-exigencianan-estricto-pa-importacion-di-gasoline/
