(Aruba) MEP cada dia ta sigui proba su mediocridad

ORANJESTAD(AAN) Si tin un cos cu MEP ta bon den dje,ta habri boca, grita y critica sin sa di kicnan ta papia. Lo tabata di supone cu despues cu MEP a wordo manda cas den ultimo eleccion, cu e mensahe “bay siña goberna y despues bin bek”, nan lo a compronde cu prome cu bo duna bo opinion, critica of comenta riba un tema, lo ta bon pa educa bo mes adecuadamente.

Asina sikiera MEP su comentarionan lo por tin e merito pa wordo discuti. Den e asunto di e proyecto di skol, MEP ta sigui grita cu no por trece trailers pa reemplaza trailers. Ban purba haci un ultmo esfuerzo pa educa MEP di kico ta kico encuanto e proyecto aki. A wordo demostra cu potret, splikacion, entrevista, articulo, y declaracionnan cu no ta trata di trailers sino di structuranan prefabrica. Ya tur hende sa esaki, e tema di trailers ya ni ta bin na remarca, pero MEP ta sigi usa e palabra trailers. Si nan ta usa trailers pa hunga politik of pa sigi demostra nan ignorancia ta por lo pronto un misterio. Mep por comenta si e proyecto aki lo tin efecto positivo pa e estudiantenan cu awe si tin di sinta den Trailers pa ricibi nan educashon. MEP por duna nan opinion di pakiko, aki na Aruba, 2500 alumno mester tuma les den trailers cu pa nos ta “below standards?” Cua ta e problema exactamente, hunga politiek aunke e perhudica educacion su progreso?
Si MEP kier sigui hunga politiek ta ok, nan mester bin cu tur clase di tema y critica pa por purba gaña pueblo pa ricibi algo di credibilidad, pero mester tin e decencia di bin cu base, lubida e palabra trailer, ban cuminsa cu esaki. Claro cu nan lo bolbe usa “trailers” como tema di discusion, psobra simplemente nan no sa mihor. E berdad ta cu e conocimento di MEP ta limita, nan ta yen di sla di e ultimo eleccion. Nan parlamento ta na werki. Tin asuntonan penal colga riba nan cabeznan. Tur loke esaki ta haci ta forza nan bin cu puro pantomina. MEP en realidad no ta un partido pa tene cuenta cune mas.

FUENTE: http://www.diario.aw/2011/08/mep-cada-dia-ta-sigui-proba-su-mediocridad/