E adres Venezuelastraat 2 awor no ta existi mas y problema a caba pa e vecindario

ORANJESTAD(AAN): E cas Venezuelastraat 2 no ta existi mas. E cas aki a bira un problema serio pa e vecindario. E chollernan cu a apodera di e cas a pone cu awe bisiñanan y tambe famianan yega na e doñonan a logra pa e cas worde basha abao. E doñonan mes a muri y e cas a keda bashi. Na dado momento tabata un familiar cu a ocupa e cas pa evita cu chollernan ta sigui bay den e cas.
Na dado momento e situacion a bira asina fastioso cu e habitante no por a sigui biba den e cas pasobra e chollernan tabata horta den e cas.
A laga e cas pa su cuenta y e chollernan a apodera di dje. E problema a bira serio pa e vecindario. Pesey mes polis tambe a ser notifica di e situacion y asina a logra pa basha e cas abao. Un grupo di cinco polis cu a termina nan academia mester a haci un proyecto final. E proyecto aki tabata basa riba e cas cu a bira un molester pa e vecindario. E agentenan nobo a cana e proceso bao guia di polis di barrio Johnny Henriquez.
A logra acumula tur e firmanan necesario di famianan y tambe di bisinjanan cu tabata keha. E famia tabata tin hopi comprension pa e problema cu e cas aki tabata causando. E siman cu a pasa e cas te hasta a pega candela y spanta e area.
Diabierna mainta e polisnan a presenta y a sera e caminda. Asina e trabaonan a cuminsa. Bomberonan tabata presente pa basha awa y evita e stof pa e bisinjanan ora cu tabata bashando e cas abao.
Kier e evita principalmente e stof di e asbest cu tabata worde kibra cu ta canceroso. Serlimar tambe tabata presente y tabata tin e rol pa basha e cas abao y ruim op tur cos mesora.
E famia a paga Serlimar pa haci e trabao. Tipo di casnan asina cu ta un molester pa cierto barrio por tambe ser basha abao. E mester echt ser proba di ta un molester y cana e caminda formal.

FUENTE: http://www.diario.aw/2011/09/e-adres-venezuelastraat-2-awor-no-ta-existi-mas-y-problema-a-caba-pa-e-vecindario/