Cuatro piscador rescata cerca di costa di Aruba

ORANJESTAD (AAN): Dos piscador dominicano, un venezolano y un colombiano, a ser rescata door di e Marina di Guera) di Colombia, despues di a permanece na lama desde dia 30 di November ultimo.
E rescate a ser efectua diahuebs anochi na un distancia di 100 kilometer di Riohacha, La Guajira, despues cu un avion mericano a ubica e naufragonan, pa despues avisa di esaki na e autoridadnan colombiano.
Guardacosta y un avion di e Forza Aereo a bay pa yuda e piscadornan cu despues a ser recogi pa un buque mercante cu tabata den e zona.
E naufragonan lo a sali pa pisca desde Punto Fijo (Venezuela) te Aruba y diaranzon 30 di November nan a keda “a la deriva” den e canal di acceso na Aruba.

Dos di e cuatro naufragonan a ser hiba hospital cu un cuadro clinico di des-hidratacion, pero ayera diabierna mainta nan a bandona hospital, segun informe di Armada colombiano.

Ta conoci te cu dia di awe e dos piscador di Aruba cu a perde algun siman atras no sa nada di nan paradero. Loke a pasa cu e piscadornan local ta te ainda un misterio.

FUENTE: http://www.diario.aw