E fecha aki ta statuutdag. Presente manera semper tey diferente representante di paisnan den reino. Por a mira gobernador di Aruba, Curacao y tambe St Maarten. Mescos prome ministernan di Aruba, Curacao y St Maarten. Henter e delegacion cu a asisti e reunion di reino tabata presente na e concierto. Tabata tin tambe den e sala di teatro un cantidad di demas invitado cu a bin pa mira e concierto den tribuna. Un presentacion masha bunita caminda a purba mustra a base di musica con cada pais ta anda cu otro.
Por a mira talentonan di henter reino presente riba escenario dunando presentacion. Gobernadornan di paisnan di reino y tambe prome ministernan di Aruba hunto cu Piet Hein Donner a ricibi Reina Beatrix na entrada di teatro na Lelystad.
Despues di un combersacion ameno entre e autoridadnan den reino a bai den e sala caminda e presentacionnan a cuminsa y a habri e anochi cu un baile cu un bunita tumba sigui pa algun cantante hoben y agrupacionnan cu ta kere den e talentonan hoben.
Na final di e presentacion Reina Beatrix a keda un rato mas cu demas invitadonan y despues a sigui bek pa su cas.
FUENTE: http://www.diario.aw
