Laser Airlines cu vuelo inaugural for di Caracas

ORANJESTAD (AAN): Diahuebs den oranan di mainta e prome vuelo di ‘Laser Airlines’ for di Caracas, Venezuela cu 66 pasajero a yega Aruba. Un caloroso bonbini a worde duna pa Minister di Transporte, Turismo, y Labor Sr. Otmar Oduber, Sr. Dylan Calister, CFO di Aruba Tourism Authority, y Sr. Peter Steinmetz, director di Aruba Airport Authority. Pa atardi e di dos buelo di Laser a drenta for di Valencia cu 57 pasajero.
Desde 15 di december 2011 Laser ta ofrece un manera nobo pa biaha pa Aruba pa e mercado di Venezuela di diahuebs te cu diabierna saliendo for di Caracas y Valencia. E avion tin un capacidad di 110 asiento.

E vuelo inaugural a conta cu diferente ehecutivonan manera Sr. Alejandro Alvarez, vice-presidente di Laser, Sr. Rene Cortez, commercial director & planning di Laser, Señora Milagros Quinero, directora di aeropuerto di Venezuela, como tambe Señora Miriam Dabian, directora di oficina di Turismo na Venezuela.

Ariba e mesun vuelo aki a bin 6 periodista Venezolano cu lo ta riba nos isla pa algun dia pa asina aki cubri e experience di e vuelo inaugural y di nan bishita na Aruba den nan respectivo publicacion.

Aruba Tourism Authority kier a gradici Laser Airlines pa inclui Aruba como un di nan destinacion, yama nan un caluroso bonbini y ta deseanan hopi exito ariba nan ruta nobo.

FUENTE: http://www.diario.aw