Anto awor? Diripiente Partido AVP ta hunga e rol di victima, cu dirpiente ta nan a worod ofendi na Panama. Esta un actitud masha infantil! Pasobra e berdad ta cu nan mes a busca tur e ofensa nan ey y mas ainda.
Segun Partido MEP ta divulgando, realmente ta Juan David Yrausquin y Paul Croes a bay mete cu Curacao, sin tin mester. Despues cu nan a bruha tera pa boycotia e causa di Aruba, nan mester a sera nan boca, pa no pasa pa bobo.
Pero Juan David a bay demasiado leew, pasobra ora el’a boycotia esun di Aruba caba, el’a bay lobby pa hendenan vota CONTRA esun di Curacao. Ora el’a ripara cu esaki no por logra mas, el’a dicidi di boycotia Curacao su causa. Y e no tabata tin mester di haci esey, e no tabata tin mandato di nos pueblo pa stroba Curacao den su lucha.
Despues cu Juan David a hiba palabra, sr. Wiels di Curacao a hiba palabra, y den esey e no a ofende ningun hende. El’a bisa si cu den e lucha aki tin heroe y tin traidor, y ningun hende ta corda ken e traidornan ta.
Eynan ta caminda cu probablemente e sapato a sirbi AVP, y ora Wiels a pasa banda di e mesa di AVP, Juan David a haci su mal ehempel di tira palabra pa Wiels, el’a bisa “independencia”, y eynan Wiels a para Juan David na mal forma y cu palabranan menos netji. Nos no ta aproba uso di e palabranan ey, pero sinceramente Juan David mes a busca.
AVP a core yama un rueda di prensa ora nan a yega Panama despues di une stadia di 7 dia, pa sconde e berdad atrobe, y pa gaña atrobe! Pasobra awor dirpiente nan ta usa rol e victima, pero nan a lubida cu tur cos ta graba, pues nan no por sconde mas. Juan David, hunto cu su coleganan a traiciona Curacao den secreto ta lobby pa hende vota contra Curacao. Despues Juan David a ofende Curacao publicamente, y despues ainda Juan David no por a sconde su arogancia, y a tira palabra pa Wiels. Awel, ta e mes a busca, e sinta riba su blarnan awor.
CARA DI ARUBA
Y HULANDA
NA BERGUENSA:
Cu esaki Juan David, Paul y nan coleganan a pone cara di Aruba y especialmente di Hulanda na berguensa. E paisnan Latino Americano awor si por a mira con Hulanda ta influencia tur e politiconan di AVP, pa nan sali defende Hulanda contra interes di ueblo di Aruba. AVP a causa Aruba hopi daño na Parlatino, pero MEP lo haci tur lo posible pa drecha e imagen ey di Aruba, cu AVP kier of no!
FUENTE: http://www.diario.aw
