ORANJESTAD (AAN): Informe di Peru ta mustra cu Joran van der Sloot mester worde hiba back pa prison Castro Castro mas pronto posibel. E traslado reciente di Joran pa un otro prison mas estricto ta inhusto, segun su abogado. Van der Sloot lo ta desea di bay back e prison unda for di Juni 2010 el a cuminza sinta tras di trali, segun abogado Jose Jimenez Navarro, den un carta manda na e autoridad di prison di Peru esta INPE.
Actualmente Joran ta cera den prison Piedras Gordas, unda cu e regimen ta hopi mas estricto. Den e prison nobo e ta haya un tempo masha cortico pa tuma aire pafo, segun Jimenez.
Joran recientemente a haya un castigo di 28 aña pa asesinato di Stephany Flores y su abogado ta insinua cu famia di e victima ta responsable pa traslado di Joran pa e otro prison.
FUENTE: http://www.diario.aw
