Tripulante Luis Alberto Rodriguez ainda ta fugitivo

ORANJESTAD (AAN): E barco cu ta navega bao di bandera boliviano ACUR ainda ta den haf na Barcadera desde 29 di December 2011. Ta asina e tripulante Luis Alberto Rodriguez naci 21 September 1981 di nacionalidad colombiano intencionalmente a keda atras y mientras cu e no entrega su mes na autoridadnan competente of cerca e capitan, e barco no por sigui cu su ruta.
Abordo tin carganan cu mestera yega Colombia dia bieu.
E capitan di e barco ta urgi su persona pa presenta y na persona(nan) cu intencionalmente tin e persona aki scondi ta worde poni responsabel pa perdida y gasto cu e barco ta sufriendo kedando den nos haf na Barcadera.

Na e tripulante e capitan di e barco ta laga sa cu famianan di Luis Alberto Rodriguez na Colombia lo worde poni responsabel pa tur daño y gastonan haci te cu e dia cu e meld sea serca autoridad of serca e capitan.

Door cu intencionalmente e tripulante no ta raporta consecuentemente e barco no por sali for di haf di Aruba y asina cumpli cu su itinerario pa entrega carga.

FUENTE: http://www.diario.aw