Wrong and Strong ta e palabra perfecto pa e doño di Fly Aruba cu awor kier a baha na awa tambe for di Aruba pero a ser stroba. Asina mes tin algun empleado cu ta siguiendo su pasonan y ta mira cada movecion di nan ex doño di trabao pero tambe sigui di cerca e proceso di SIAD pa cu e homber aki.
E kier a sali for di Aruba cu avion priva. Na e parti pazuid di aeropuerto el a presenta rondona pa guarda espalda. Awor e tin bodyguards nobo di un team diferente.
Ta ser menciona cu e prome grupo cu tabata cuide no a worde paga. Nan a stop e servicio y awor a logra huur un otro team cu ta consisti tambe di polisnan cu ta duna servicio despues di orario di trabao.
Parce cu algun dia pasa el a logra sali for di Aruba unda el a bisa di lo bay busca placa pa bin regla su asuntonan. El a bolbe berdad pero e trahadornan mes no a haya placa.
Diasabra den oranan di merdia den su intento pa bandona Aruba un biaha mas el a ser stroba basa riba e proceso di Servicio di Impuesto cu a duna ordo pa esaki. Polisnan a worde yama pa duna un man mirando cu tabata tin ex trahador pafor di General Aviation.
Acompaña pa polis di Grens Bewaking y tambe Body Guards el a logra subi auto y bandona e sitio. E avion priva mester bandona Aruba sin e doño di Fly Aruba abordo.
E proceso di investigacion di SIAD mester termina y ora cu e persona aki caba di regla su asuntonan na Aruba e lo haya luz berde pa sali for di e isla.
FUENTE: http://www.diario.aw
