Segun Joanne Arends representante di Triple A, Triple A ta satisfecho cu e partnership cu Aserca Airlines y ta spera di por keda cu e lasonan pa mucho aña mas. Na mes momento directora di ATA Ronella Croes a recorda tambe cu ta 40 aña cu Aruba a drenta e mercado venezolano.
Venezuela ta e di dos mercado mas importante pa Aruba cu 18% di nos bishitantenan anual y cu e grupo di turista cu mas placa ta inverti den nos isla.
Desde 2007 a mira tambe un cresemento significante di e mercado venezolano pa Aruba. Aña pasa Aruba a kibra record pa loke ta e cantidad di bishitantenan for di Venezuela. Croes a gradici e aerolinea pa nan confianza den Aruba.
Tambe Lenis Toro den nomber di Santa Barbara Airlines cu ta representa Aserca na Aruba a bin na palabra durante e celebracion. El a gradici pa e apoyo cu nan a ricibi den transcurso di añanan.
El a splica cu otro siman lo tin un reunion den cual nan lo delibera riba rutanan nobo y Toro a asegura cu nan lo haci lo maximo pa nan complace tur e peticionnan cu nan ta ricibi tur dia.
El a finalisa bisando cu e ta gradici tur hende cu a haci e aniversario aki posibel.
FUENTE: http://www.diario.aw
