(Aruba) Detective Priva Ilegal deteni den Diamonds International

ORANJESTAD(AAN)– Tin biaha hende ta bruha den e frase di One Happy Island y ta cuminsa interprete como One FREE Island. Well, esaki tabata e caso ayera mainta ora cu Polis, Warda Nos Costa y Departamento di Labor a presenta dilanti porta di Diamonds International pa algun iregularidad cu lo tabata tumando lugar den e establecimento.
Informacion cu DIARIO a ricibi tabata cu e compania DIAMONDS lo mester a contrata un señora di cual su Nacionalidad no ta conoci pa nos, pa bin hunga detective priva aki na Aruba pa un incidente cu a tuma luga den e establecimento algun tempo atras.

Segun informacion , un renchi hopi costoso lo mester a desaparece y cu mester a reemplace cu un renchi hopi similar, pero barata.

Awor doñonan di DIAMONDS a hyja ta bon pa tuma e investigacion y autoridad den nan mesun man door di contrata un Señora cu supuestamente ta ” Private Detective” pa interoga e empleadonan na Aruba.

E señora a bin cu un Mashin pa hasi un test riba gañamento, un LIE Detector Test, riba tur e empleadonan.

Empleadonan no a gusta e cuenta aki mucho hopi y a bati na porta di autoridad.

Sin pensa dos biaha, esnan responsabel a compaña pa Polis a bay over pa detene e Private Detective Ilegal mirando cu e no por a mustra ningun permiso pa traha na Aruba.

E señora cu su mashin a keda confisca, a haya un cuarto gratis na Warda di Playa, pa asina e wordo deporta pa su Pais.

Esaki no ta e prome reclamo cu ta drenta di empleadonan contra Diamonds International.

Den pasado nos por a compronde cu e Doñonan tabata hasi locual nan kier cu e trahadornan, y ora cu empleadonan a bay busca nan derecho na un sindicato, nan a wordo menaza.

Awe supuestamente, esnan responsabel di Diamonds International a ripara cu Aruba no ta un FREE FOR ALL y cu tin ley cu nan mester respeta.

FUENTE: http://www.diario.aw