El a keda deteni mesun dia cu e otro tresnan. E tres localnan ta Jario Dania, Efi Tromp y Randolf Lourens.
E piloto Venezolano ainda ta cera tambe.
E damita cu ta bende ticket den aeropuerto parti zuid tambe a wordo hiba pa polis pero no a keda deteni.
Jairo Dania awe ta cera pero ta parce di tin algun luna cu e no ta bulando mas cu Efi Tromp.

Algun di e sospechosonan diabierna cu a pasa a wordo notifica cu nan detencion preventivo ta wordo prolonga cu ocho dia mas.
E momento cu a ground e avion na Venezuela ya caba e problemanan a cuminsa cu a conduci tambe na e detencion na Aruba.
Probablemente autoridad Venezolano encarga cu aviacion tambe ta envolvi cu esunnan di Aruba pa por a haci e investigacion hunto cu autoridad local. E caso aki ta mustra algo masha kens pero tecnicamente y legalmente berdad tin cosnan cu no ta corecto.
Pero di otro banda mester bisa cu mayoria di e ilegalnan gara na Aruba door di Guarda Nos Costa ta via e vuelonan aki nan ta yega bek Venezuela. E prijsnan sa varia pa bay y bin na un balor di 280 dollar. E vuelonan aki ta vuelonan priva cu no mag di cobra. Pesey mes mirando cu ta haci negoshi cobrando sin tin permiso di un compania comercial di aviacion a conduci na e tipo di investigacionnan asina.
E avion wanta na Venezuela ta di Efi cu a haya su mes ta huur otro avion cu piloto pa por a sigui duna e servicio. Esaki ta e vuelo cu e piloto Venezolano di edad tabata haciendo y cu a conduci na su detencion.
Nan estilo ta di keda warda ora e vuelo yena pa nan sali bay zuid y vice versa. Nan no tin un ora fiho pa sali. E ta un negoshi basta lucrativo mirando e demanda.
FUENTE: http://www.diario.aw |