(Aruba) Ponton tambe a cuminza yena cu Venezolanonan di “Swipe Tourism”

E informacion cu ta un topico hopi comenta e dianan aki, ta di e turistanan Venezolano cu ta bin Aruba y ta buscando cualkier camber, apartamento, of hasta comparti un cama, djis pa nan por keda aki y practica loke ta ser yama “Swipe-Tourism”.

Pero esey no ta tur! Algun di e turistanan aki hasta ta bin cu mercancia pa asina bende nan ilegalmente riba mercado local, birando asina un competencia directo pa varios empresa comercial.

Awor a ser mustra, cu na Ponton mes tin un señora cu a cuminza huur su Apartamento bay goal sin worry si e hendenan ta paga impuesto of no. Imaginabo cu un apartamento di apenas dos camber, e dianan aki ta carga cu 8 of mas persona.

E turistanan no ta bin man bashi. Nan ta bin cu mercancia scondi den nan equipahe, y aki ta purba na haya benta pa nan. Hasta tin e turistanan aki cu ta ofrece servicio di massage. DIARIO a haya sa cu den algun bario hasta tin cu ta blof cu nan ta artista profesional di Tattoo, y ta dal ink pa miserable 50 Florin. Asina ta daña full e mercado local, y pa colmo ta laga mal trabao atras.

Cualkier persona cu tin informacion di hendenan cu ta bende mercancia ilegal, ta duna massage ilegal, of hasta ta cobra pa pone tattoo, ta ser pidi pa informa autoridad di Aruba, incluyendo esnan di Impuesto, pa asina por actua na tempo.

Mientras tanto, Ponton tambe ta sigui yena cu e Swipe-Tourism aki.

FUENTE: http://www.diario.aw