Door cu e tabata un iPhone ta algo cu bo por track pa asina por logra haye. Ora nan a cuminsa busca, nan no a bin haye.
Dialuna nan a yama polis bay haci full un beheid na lugar di bende raspao banda di lama na Eagle Beach. A bisa cu ta dos trahado cu ta traha eynan a horta e telefon mirando cu a sigui e rastronan via GPS.
Ta diadomingo atardi nan a mira cu ta den e area ey e tabata. Ora polis a bin nan a cuminsa puntra pa haya sa kico exactamente ta pasando.
A resulta cu pa nan mala suerte algun turista cu a yudanan busca e telefoon e dia prome a ripara cu ora e auto di e venezolanonan move e telefoon tambe tambe move. A bisanan cu e telefon ta den nan auto.
Asina mes e Venezolanonan a keda para riba no y cu ta e hendenan cu ta traha na lugar di raspao a horta e telefon. Dialuna merdia despues cu polis a tuma declaracion e turistanan Venezolano cu a perde telefoon a bay cerca e doño di benta di raspao y bisanan wak pa haci cos di bon hende sea saca e celular of paga e 800 Dollar cu e telefon bal.
Eynan e doño di e lugar di raspao a bisanan cu nan no ta para responsable pa ningun telefon y tampoco lo bay paga 800 Dollar. Polis a haci nan best pa interveni.
| FUENTE: http://www.diario.aw |
