Segun Thijsen na momento cu por a scucha vice presidente di Merca Joe Biden duna declaracion na prensa unda cu ta menciona cu Aruba ta 30 % di energia alternativa y cu e aña aki Aruba lo caba na 40 % di energia alternativa, esaki a cay mane un baño friu.
Parlamentario Thijsen ta duna di conoce cu tur hende ta consciente cu loke e ser bisa ta un mentira. Segun Thijsen loke cu prome minister ta haci ta su escogencia y ta bay rond mundo y declara e situacionnan aki cu no ta cuadra cu realidad na Aruba.
E parlamentario ta kere cu vice presidente di Merca lo mester por conoce e berdad mirando cu Mike Eman ta lider politico cu a bay den historia y e historia berdadero ta bisa cu prome Minister Mike Eman ta e persona cu a pone Aruba bao di curatela y esaki ta ilustra claramente cu e minister no por a maneha e finansas di pais Aruba.
Parlamentario Ady Thijsen ta duna di conoce cu si mester mira e ultimo rapport di CFT cu a wordo trata pa e presupuesto di 2015 y cu tampoco no a wordo entrega ainda ta pone nos pais den un situacion fastioso. Den e presupuesto aki a wordo poni 24 medida cu mester bin pa pueblo di Aruba cu AVP mes lo bin cu ne.
Esaki ta un situacion cu mester su atencion. Pueblo tin e derecho di sa e berdad kico ta bay spera nan den e proximo luna nan nos dilanti. Parlamentario Ady Thijsen ta spera cu Prome Minister Mike Eman realisa kico e ta haciendo y pa rasona na tempo cu e decisionnan robes cu keto bay ta wordo tuma.
| FUENTE: http://www.diario.aw |
