(Aruba) Venezuela ta bisa cu e F-16 a tumba e avion pirata riba nan awa teritorial

Riba Diabierna, e Ministro di Defensa di Republica Bolivariano de Venezuela, esta Vladimir Padrino Lopez, a mustra claramente cu e avionnan F-16 di su pais, a dispara riba e Avion Pirata, ora esaki tabata bulando ainda riba nan awanan teritorial.
Ta trata di e avion cu a ser tira, y benta abao como cu e ta ser sospecha di ta transporta droga, y tabata wordo sigui pa militarnan Venezolano.

Segun Ministro Padrino Lopez, e avion pirata aki no a cumpli cu e normanan aeronautico. Den e sentido ey, el a bisa cu e avion cu a bin di Centro America, a ateriza na estado Apure, y asina cu el a lanta vuelo bek, e no kier a responde y cumpli cu orden di e avionnan F-16.

Y pesey nan a tira riba dje na 25 miya nautico noordwest di e Base Josefa Camejo di Estado Falcon.

“El a worde inutiliza den nos lama teritorial,” el a agrega, y a nenga cu e accion di atake aki a socede riba awa teritorial di Aruba.

El a bisa cu tur avion cu drenta y no ta cumpli cu normanan aeronautico, ta worde presumi cu nan ta meti den narcotrafico.

DIARIO ta mustra riba e imagen aki, pa tur hende corda cu e teritorio mas pabao di Aruba, enberdad ta pertenece na espacio aereo di Venezuela.

FUENTE: http://www.diario.aw