(Aruba) Asunto cu Grupo di Siete ta tras di lomba

Recientemente Obispo Luis Secco tabata na Aruba riba peticion di Grupo di Siete pa combersa tocante di e discusion cu a surgi entre e grupo cu Pader Jairo Maduro en conexion cu textonan cu menasa cu a Pader Jairo a ricibi for di un miembro di e grupo. Den un reunion mas tempran riba e dia cu Pader Jairo Obispo y e pastoor a acorda cu ta pone un fin na e discusionnan aki cu no ta bon ni pa e pader, ni pa ningun hende, ni pa Iglesia.

E combersacion entre e dos cleronan a bay den un bon ambiente y nan a come lunch hunto merdia. Pader Jairo ta keda cu Parokia di Brazil, unda e tin shete aña caba trahando como pastoor, sirbiendo e comunidad.

Pader Jairo ta splica cu Obispo a pidie pa laga e so reuni cu e Grupo di Siete, cual a yega na e reunion cu dos otro persona acerca. Durante di e encuentro ey, nan a haya e oportundidad pa expone nan problema, e descontento cu nan tin cu e pastoor y a yega na un acuerdo cu Obispo cu e asunto aki ta wordo poni tras di lomba y no ta sigui cu e discusionnan.

Obispo no a papia detayenan di e reunion cu Pader Jairo y e mes a regla tur cos, Maduro a comenta. Obispo a kere cu el a logra su obhetivo, pero despues a experiencia un decepcion grandi ora cu el a wordo informa cu e grupo a sali di e reunion y na radio di Mimi Koolman, e doño di radio a sigui cu un tono instigante.

Aunke e miembronan di e Grupo di Siete mes a papia cu un tono hopi sosega, segun Pader Jairo, Sra. Koolman ta esun cu a sigui cu expresionnan manera mester resa pa pastoor y ademas a pone un articulo su otro dia den corant Solo di Pueblo cu informacion cu no ta corecto.

FUENTE: http://www.diario.aw