E estudio cu ATA a haci ta uno bastante profundo pa analisa e situacion di con e desaroyo di Colombia, su significacion ta asina ayega na nos y permanencia cu tabata tin durante tur e añanan aki. Inversionnan cu a wordo haci den Colombia y resultado di esaki te cu awe y pa futuro kico esaki por ta.
Un analisis hopi grandi a wordo haci. Economico di e pais, den e mesun rapport aki cu a pidi ATA pa duna su conseho riba dje, di no solamente efecto di turismo, pero un efecto interno na Colombia di kico por ehempel e bracket ta di e cantidad di hendenan. Desempleo, kico tabata e situacion antes. Kico e situacion awe. A midi cuanto hende a biba den pobresa antes, cuanto awe, etc. Analisisnan hopi profundo riba economia Colombiano a wordo haci, pa banda di e fenomeno di si ta wak’e sumamente positivo pa Aruba, cu toch den e analisis total cu ta wordo haci, por mira tambe kico lo por ta e consecuencianan menos positivo pa pais Aruba, si en caso tuma e decision aki pa habri e mercado Colombiano, den sentido di elimina e visa pa Aruba.
Di parti gobierno, no a tuma un decision. A trate den conseho di minister. Na e momento ey no tabata tin suficiente dato pa tuma un conclusion riba dje. A hou aan un decision den conseho di minister y por bisa casualmente e siman aki, diabierna awor lo bay tin esaki riba agenda un biaha mas, a base di estudio, rapport cu a wordo traha pa oficina di Turismo pa por hiba e discusion un biaha mas di kico ta e posicion cu Aruba ta bay tuma den e cuadro aki.
Oduber ta sigui splica cu for di e bista di turismo, ta mir’e positivo, si esaki mester tuma lugar. Mas ainda si mira e gran cantidad di paisnan cu ya caba a cana e caminda aki. Esnan cu ta den e region, cu ta competi directamente cu nos tambe ta of a habri’e caba. Cierto momento mester haci un evaluacion un biaha mas di kico ta e pro y contranan. E decision aki mester tuma den conseho di minister.
A compronde cu otro paisnan den reino tambe ta na fabor di habri esaki y ta kere cu na un forma hopi responsabel y cu e rapport cu ta riba mesa, una bes cu esaki wordo discuti den conseho di minister y haci analisisnan naturalmente for di otro puntonan di bista, immigracion cu por tuma lugar ainda, e control na nos fronteranan, etc., un decision responsabel por wordo tuma di parti Aruba si ta kere pa elimina e visa si of no pa Aruba.
| FUENTE: http://masnoticia.com |
