Diahuebs atardi un sospechoso busca pa husticia relaciona cu crimen organiza tabata worde vigila pa Recherchenan di team observacion, den area di Tamarijn.E Recherchenan aki a tuma nota di e persona y a bay den su direccion di biaha. E sospechoso maske cu e kier a huy pa e oficialnan aki e no tabata por debi cu tabatin basta Recherche y a keda deteni riba e caminda di Tamarijn.
Autoridad e dianan aki ta trahando duro pa resolve diferente caso cu tin pueblo spanta. E accion di Polis pesey ta ricibiendo hopi apoyo di pueblo. Algun caminda so keto bay nan tin manera odio formal riba Polis.
DIARIO a compronde cu Diahuebs merdia mes, autoridad a acudi na Sabana Basora pa atende un asunto, y aki e agentenan a wordo bombardea cu piedra door di hobennan. E situacion den Sabana Basora ta bayendo for di man. Tin hopi bon famia ta bibando den e bario ey, y nan ta hopi disgusta cu algun malandro sin ningun clase di futuro, ta zembrando panico den e area.| FUENTE: http://www.diario.aw |
